Accessibility links

Labari da Dumi-Duminsa

Dan Majalisar Jihar West Virginia Da ke Goyon Bayan Trump Ya Yi Murabus


Yayin da aka kara kama wasu daga cikin masu tarzomar da suka afka ginin majalisar dokokin Amurka ranar Larabar da ta gabata, Derrick Evans, dan majalisar wakilai a jihar West Virginia ya yi murabus daga mukaminsa saboda shiga wurin da sai da izini a majalasar.

Wani dan majalisar jiha mai goyon bayan shugaba Donald Trump wanda ya dauki bidiyon kansa ya na shiga ginin majalisar dokokin Amurka ya yi murabus kuma an sanar da karin kamen masu tarzoma a jiya Asabar a zaman wani bangaren binciken da ake yi akan harin da aka kai ranar Larabar da ta gabata a ginin majalisar dokokin Amurka.

Derrick Evans, dan majalisar wakilai a jihar West Virginia daga jam’iyyar Republican, ya sanar da yin murabus din ne a jiya Asabar a wata wasika da ya turawa gwamnan jihar West Virginia Jim Justice.

Ana tuhumar Evans ne akan shiga wurarren da sai da izini ake shiga a ginin majalisar da kuma saba doka da oda. Idan aka same shi da laifi, zai fuskanci hukuncin daurin shekara 1 da rabi a gidan yarin gwamnatin tarayya.

Evans ya yada bidiyon kansa a shafin Facebook a lokacin da ya afka cikin ginin tare da wasu masu tarzomar, akwai lokacin da aka ji ya na cewa “mun shiga ciki.” A wani bidiyon da ya sanya a Facebook kafin lokacin kuma, wanda daga baya aka cire, Evans ya yi gargadin cewa masu tarzomar zasu shiga ginin majalisar.

Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG