An daura auren ne a ranar Juma’a a a jihar Kaduna da ke makwabtaka da Kano.
Bikin da ya samu halartar darektoci, furodusoshi, jarumai da sauran masu ruwa da tsaki a harkar shirya fina-finan ta Kannywood.
Daga cikin manyan darekatocin da suka halarcin daurin auren akwai Aminu Saira da Furodusa Abubakar Bashir Mai Shadda sai kuma jarumai irinsu, Umar M. Shareef da Salisu S. Fulani.
Alolo wanda har ila yau ya kan fito a matsayin jarumi, ya ba da umurni a manyan fina-finai irinsu “Ki Je Kya Gani,” da “Uwar Gulma.”
A wata hirar da ya yi da jaridar Premium Times a shekarar 2018, Alolo ya ce shiga harkar Kannywood ne a matsayin mai yin kwalliya.
“Na jima ina so na shiga harkar fim tun ina yaro, kamar yadda kowanne jarumi yake fada, amma a nawa bangaren na fara ne da yin kwalliya har na kai ga inda nake a yanzu.”
