Accessibility links

Labari da Dumi-Duminsa

Dukkan Mutane 153 Dake Cikin Jirgin Dana Air Sun Mutu


Jirgin ya ci karo da wani gini mai hawa biyu, ya haddasa barkewar wuta a wata unguwar dake cike da mutane a Lagos, yayin da yake kokarin sauka daga Abuja.

Jami'an Najeriya sun ce dukkan mutane dari da hamsin da uku (153) dake cikin wani jirgin saman safarar fasinja sun mutu a lokacin da jirgin ya fado kan wani gini a Lagos.

Shugaba Goodluck Jonathan ya ayyana zaman makoki na tsawon kwanaki uku a kasar domin tunawa da mamatan, ya kuma bayar da umurnin a gudanar da bincike sosai kan wannan bala'in.

Jami'an Hukumar Kula da Zirga-Zirgar Jiragen Saman farar hula ta Najeriya sun ce wannan jirgi ya taso ne lahadi daga Abuja a kan hanyar zuwa Lagos, sai ya ci karo da wani gini mai hawa biyu a wata unguwar dake cike sosai da jama'a a Lagos, ya sa gine-ginen dake wurin suka kama da wuta.

Ba a san ko akwai wasu mutanen a kasa wadanda suka mutu a sanadin fadowar jirgin ba.

Kamfanin safarar jiragen saman Dana Airlines kamfani ne mai gudanar da harkar zirga-zirgar jiragen sama a cikin gida a Najeriya, kuma yana amfani da jirage samfurin Boeing MD-83 a tsakanin Abuja da Lagos, hanyar da tafiyar awa daya ce ta sama.

Dubi ra’ayoyi (1)

An rufe wannan dandalin

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG