Wannan tattaunawa tsakanin Fadar White House da jami’an FBI akan zargin da ake bincike akai zai iya sabawa dadaddiyar ka;idar nan ta ma’aikatar shari’a wacce ta haramtawa White House yin magana da FBI a yayin da ake gudanar da bincike kan wani batu.
Sai dai manyan jami'an gwamnatin wadanda suka nemi a boye sunayensu, sun musanta rahotannin dake nuna cewa hukumar ta FBI ta ki amincewa da wata bukata da Fadar ta White House ta gabatar mata na ta karyata rahoton da jaridar New York Times ta buga dake cewa wasu na kusa da shugaba Trump sun tattauna da jami'an gwamnatin Rasha a lokacin yakin neman zaben 2016.
CNN ta ba da rahoton cewa Priebus ya tuntubi Darektan hukumar FBI James Comey da kuma mataimakin Darakta Andrew McCabe, cewar su karyata labarin dake nuna alamun makusantan Trump sun yi magana da Rasha.
Amma kuma Comey yaki hakan.
Facebook Forum