WashIngton D.C —
Uruguay da Ghana sun yi sallama da gasar cin kofin duniya da ke gudana a Qatar, duk da nasarar da Uruguay din ta samu a wasan da suka kara a ranar Juma’a.
Uruguay ta lallasa Ghana da ci 2-0, amma doke Portugal da Koriya ta Kudu ta yi a rukunin H da ci 2-1, ya sa Uruguay ta gaza tsallakawa zagaye na gaba.
Dan wasa Luiz Suarez ya taka muhimmiyar rawa a kwallayen da Uruguay ta ci ta hannun Giorgian De Arrsacaeta.
Ita dai Koriya ta Kudu ta shammaci Portugal ne ta zura mata wata makararriyar kwallo, wacce ita ta tilastawa Uruguay ficewa.
An dai cire Suarez a wasan kafin a kammala, inda aka nuna shi yana rufe fuskarsa bayan da aka tashi a wasan.
