Accessibility links

Gwamnatin Obama Na Tabbatarwa Yammacin Turai Dangantakasu da Amurka Na Nan Daram


John Kerry Sakataren Harkokin Wajen Amurka dake zagayawa kasashen Yammacin Turai

Ana saura kwanaki hudu kamin a rantsar da shugaban Amurka mai jiran gado Donald Trump wanda zai bude sabon babi ga kawancen kasashe dake yammacin turai da Amurka, gwamnatin Obama tana ci gaba da aiki domin tabbatarwa kawayenta dake turai cewa babu abunda zai sauya a ginshikan dangantakar su.

Jiya Litinin Sakataren Harkokin Wajen Amurka John Kerry ya isa London, zangonsa na biyu a ziyararsa ta karshe a wannan mukami.

Birtaniya wacce take cikin masu sukar lamirin gwamnatin Amurka mai barin gado, shugabannin Britaniya kusan sun ma manta da gwamnatin hankalinsu yana kan gwamnati mai zuwa ne.

Ganawarda Mr. Kerry yayi da Sakataren Harkokin Wajen Britaniya Boris Johnson, ya maida hankali ne akan Syria da wasu batutuwa. Haka nan Kerry ya gana da babban Bishop na kasar Ingila Justin Welby, inda shugabannin biyu suka tattauna kan bukatar kasa da kasa su maida hankali akan neman sulhu.

Gwamnatin Ingila jiya Litinin ta fi maida hankali ne kan kalaman shugaban na Amurka mai jiran gado inda ya bayyana goyon bayansa ga ficewarIngila daga kungiyar Tarayyar Turai, da kuma tabbacin da sabuwar gwamnatin Amurka tayi cewa Ingila ta tsammaci sabuwar yarjejeniyar cinikayya tsakanin kasashen biyu.

XS
SM
MD
LG