WASHINGTON D.C. —
Mataimakin kwamishinan rundunar ‘yan sandan kasar a lardin Monitoba, Rob Hill, ya ce akwai mutane kusan 25 a cikin motar.
Hukumomi sun ce an kwantar da mutane goma a asibiti.
Kamfanin dillancin labarai na Associated Press ya bayar da rahoton cewa, direbobin motocin biyu sun tsira daga hatsarin kuma suna kwance a asibiti.
“Labarin da hatsarin da aka samu daga garin Carberry a lardin Manitoba abu ne mai tada hankali matuka,” abin da Firai Ministan Canada Justin Trudeau ya wallafa a shafinsa na twitter kenan.
Ya kara da cewa “a yau ina mika sakon ta’aziyya ga iyalan wadanda suka rasa rayukansu, haka kuma ina jajanta wa wadanda suka samu raunuka. Ba zan iya kwatanta bakin cikin da wadanda abun ya shafa ke ji ba, amma al'umar Canada na tare da ku.”
