Yanzu kasar Indiya ta zarce kasar Brazil a matsayin kasa ta biyu a duniya a yawan masu dauke da cutar corona.
WASHINGTON D.C. —
Yau Litinin Ma’aikatar lafiyar kasar ta Inidya ta ba da rahoton samun sabbin kamuwa da cutar wajen 90,802.
Hakan ya sa adadin masu dauke da cutar a kasar ya karu zuwa sama da miliyan 4.2 tun bayan barkewar cutar.
Ta kuma samu karin adadin mace-mace na 1,016, wanda ya sa adadin wadanda cutar ta kashe a kasar ya kai 71,642.
Yadda aka yi wa wata gwajin Coronavirus a Indiya
Kasar Brazil ta bada rahoton samun sabbin kamuwa 14,521 jiya Lahadi, amma a yayin da a yanzu ta ke bayan Indiya a yawan masu dauke da cutar, har yanzu ita ce ta biyu bayan Amurka a yawan wadanda su ka mutu, inda ta ke da 126,650.
Amurka na kan gaba da yawan masu dauke da cutar miliyan 6.3 da kuma wadanda su ka mutu 189,000.
Facebook Forum