Accessibility links

Labari da Dumi-Duminsa

INEC Ta Yi Hasashen 'Yan Najeriya Miliyan 90 Ne Za Su Kada Kuri'a A Zaben 2023


Wata rumfar zabe a jihar Anambra (Facebook/ INEC)

Hukumar zaɓe mai zaman kanta ta Najeriya INEC ta ce tana kyautata zaton a kalla mutanen miliyan 90 za su kada kuri'a a babban zaben kasa mai zuwa na shekara ta 2023.

Shugaban hukumar Farfesa Mahmood Yakubu ne ya bayyana haka yayin da ya kai ziyara ofishin hafsan sojin saman Najeriya IO Amao a Abuja babban birnin kasar.

Shugaban hukumar zaben ya nemi taimakon rundunar sojan saman Najeriya wajen ganin an isar da kayan zaɓe a ƙananan hukumomi a lokaci guda lokacin zabe.

Yakubu yace aiki da rundunar shine mafita wajen kare yiwuwar samun tsaiko wajen isar da kayayyakin zabe musamman a yayin da hukumar ke kokarin ganin tayi zaben gwamna a jihar Ekiti akalla nan da makwanni biyu masu zuwa.

Ya jaddada muhimmancin kai kayayyakin zabe a runfunan zabe 190,000 lokacin zaben 'yan majalisu a duk fadin kasar, wanda ake bukatar ganin anyi zabe a lokaci guda wato daga karfe 8:30 na safe zuwa 2:30 na yamma.

Yayin jawabinsa hafsan sojin saman Nijeriya, Amao yace rundunar a shirye take don ganin ta taimakawa hukumar ta INEC wajen gudanar da ayyukan zabe ba tare da wata matsala ba.

Dubi ra’ayoyi

Hukumomin Nijar Sun Fara Kwashe ‘Yan Kasar Masu Bara A Titunan Wasu Kasashe

Karin bayani akan Rahotannin Taskar VOA
XS
SM
MD
LG