Isra'ila Ta Harbo Jirgin Yakin Siriya

A wata sanarwa da mayakan kasar Isra'ilan suka fitar, sun ce sun harbo jirgin da makamai masu linzami bayan ya shigar masu yankin kasa.
Gidan radiyon sojojin Isra'ila yace sun harbo jirgin ne a filin da suka mamaye na Golan Heights amman kila ya fadi ne a yankin da suke iko dashi na Siriyan.
Gidan radion ya kara da cewa basu san wane hali matukin jirgin yake ciki ba.
Gidajen watsa labaran Kasar Syria sun ce an harbor masu jirgi ne a lokacin da yake kokarin kai hari a sararin samaniyar Syria.
Isra'ila ta kwace Golan Heights daga Siriya a shekarar alif dari tara da sittin da bakwai. Majalisar dinkin duniya ta aika da mayakan zaman lafiya bayan shekara 2.