Shugaban kasar Israila Reuven Rivilin ya fada jiya Litinin cewa zanga-zangar da Yahudawa ‘yan asalin Habasha keyi saboda da nuna masu wariyar jinsi da musgunawar da ‘yansanda suke yi masu tamkar allura ce ta tono garma kuma yakamata kasar ta shawo kan matsalar.
Yayi jawabin ne bayan da dubun dubatan mutane suka yi maci zuwa cikin taskiyar Tel Aviv lamarin da ya jawo rufe manyan tituna inda suka kara da ‘yansanda.
Bamu lura ba kuma bamu saurari korafe-korafen mutane ba, inji Mr. Rivlin. Yace mu ba bakin juna ba ne. Mu ‘yanuwan juna ne saboda haka kada mu kuskura mu gina kasar da zamu yi nadama akanta wata rana.
Jiya Litinin an kara yin zang-zanga a Birnin Kudus yayin da Firayim Ministan kasar Benjamin Netanyahu ke kokarin ganawa ‘yan asalin Habashan.
Takaddama ta taso ne bayan da wani faifan bidiyo ya nuna yadda wani dansanda ke lakadawa wani dan asalin Habasha cikin kayansa na soji.
Yanzu dai a kasar Israila akwai yahudawa ‘yan asalin Habasha 135,000.
