Accessibility links

Jami’an Kwastan Na Yankin Kano da Jigawa Sun Kama Miyagun Magunguna da Kayan Abinci


Miyagun kwayoyi da aka kama

Bisa ga tseguntawar da wasu mazauna wani kauye suka yi, hukumar kwastan shiyar Kano da Jigawa ta cafke miyagun kwayoyin Tramol da kuma shinkafa da aka shigo da ita kasar ta kan iyakokin da gwamnati ta haramta

Jami’an hukumar kwastan ta Najeriya a shiyyar Jihohin Kano da Jigawa sunce sun kama akwatuna ashirin na magunguna da kayan abinci da ake fasa kwaurinsu ta kan iyakar Najeriya da Nijar ta bangaren jihar Jigawa

A yayin taro da manema labarai a Kano, shugaban hukumar kwastam mai kula da jihohin Kano da Jigawa, Yusuf Abba Kasim, ya ce wasu mazauna karkara ne suka tseguntawa Jami’an hukumar game da yadda masu fasa-kwaurin wani magani da ake kira Tramol da a halin yanzu wasu suka maida shi kayan maye, suka tara da zummar shigar dasu kasuwa.

Haka zalika, Yusuf Abba Kasim ya ce Jami’an sun kama wani adadin na buhunan shinkafa da masu fasa-kwaurin suka shigo da ita cikin Najeriya, duk da cewa, gwamnatin tarayya ta haramta safarar ta ta kan iyakoki fiye da shekaru biyu da suka gabata.

Da yake amsa tambaya akan abinda Hukumar Kwastan take da kayan da take kamawa, Yusuf Abba Kasim ya ce sukan tura magunguna zuwa ga NDLEA, hukumar dake hana safarar miyagun kwayoyi. Idan kuma abinci ne sai su ba gwamnati wadda sau tari ta kan rabawa sansanin ‘yan gudun hijira.

Ga rahoton Mahmud Ibrahim Kwari da karin bayani

Facebook Forum

XS
SM
MD
LG