Accessibility links

Jihohin Amurka Shida Sun Kalubalanci Sabuwar Dokar Trump


Shugaban Amurka Donald Trump

Jihohi shida a Amurka suna kalunbalantar umurnin Shugaban Kasa Donald Trump da aka sakewa gyarawa da ya hana 'yan kasashe shida da Musulmi suka rinjaye shiga Amurka.

Jihar Hawaii ta gabatar da kara inda take kalubalantar sabon umurnin na gwamnatin tarayya wacce ta ce za ta cutar da Musulmai da suke zaune a jihar dake tsibirin tekun pacific.

Sauran Jihohi biyar sun hada kansu domin kalubalantar sabuwar dokar ta Trump , wacce ake son ta maye gurbin ta farko da kotunan Amurka suka yi fatali da ita.

Babban Attorney Janar a Jihar Washington Bob Ferguson ya ce Jihar ta na da kwakwakwarar madafa akan shari’ar, babu shakka an takaita umarnin a sabuwar dokar ta Shugaban, amma hakan bayana nufin an wanke matsalolin da dokar ta gudanar ba a kundin tsarin mulki.

Jihohin Oregon da Minnesota da New York sun hada kai a matakin shari’ar da Jihar Washington, sai kuma jihar Massachusetts ta bayyana a jiya Alhamis ita ma za ta shiga cikin jerin jihohin a mako na gaba kan kin amincewa da dokar.

Facebook Forum

XS
SM
MD
LG