Accessibility links

Labari da Dumi-Duminsa

Jiya Kasar Canada Ta Samu Sabon Firayim Minista


Sabon Firayim Ministan Canada Justin Trudeau
Sabon Firayim Ministan Canada Justin Trudeau

Jiya kasar Canada dake makwaftaka da Amurka a arewaci ta bude wani shafi a tarihinta yayinda sabon Firayim Minista wanda matashi ne ya kama aiki tare da wasu ministoci da shekarunsu basu wuce 35 ba

An rantsarda sabon Firayim Ministan kasar Canada Justin Trudeau matakin d a ya kawo karshen mulkin masu ra'ayin mazan jiya na shekaru 10.

Trudeau ya jagoranci jam'iyyarsa mai sassaucin ra'ayi da ake kira LP a takaice. Ta sami gagarumar rinjaye a zaben wakilan majalisar dokokin kasar yayinda ta sami kujeru 184 idan aka kwatanta da kujeru 99 da jam'iyyar tsohon Firayim Minista Steven Harper mai ra'ayin rikau.

Trudeau yabi sawun mahaifinsa wanda ya rigamu gidan gaskiya, wanda ya jagoranci kasar na kusan shekaru 20.

Jim kadan bayan da aka rantsar da shi, Trudeau ya bayyana sunayen ministocinsa, wanda jimlar maza da mata cikin majalisar dai-dai suke.

Ministocin wadanda shekarunsu na haifuwa ya kama daga 35-50, sun yi rantsuwar kama aiki nan take cikin manyan harsunan kasar.

XS
SM
MD
LG