Accessibility links

Labari da Dumi-Duminsa

Kimanin mutane 50 suka rasu a hare hare dabam dabam da aka kai a Iraq


Wadansu mutane dauke da gawar wani da aka kashe a harin bom
Hukumomin kasar Iraq sun bayyana yau Lahadi cewa, hare hare da aka kai a sassa dabam dabam na kasar sun yi sanadin mutuwar sama da mutane 50 kimanin maitan kuma suka jikkata.

Jami’ai sun ce hari mafi muni ya auku ne a kusa da birnin Amara dake kudancin Iraq, inda wadansu hare haren kunar bakin wake biyu da aka kai suka yi sanadin kashe a kalla mutane 14.

Tun farko a kusa da Balad dake arewacin Bagadaza babban birnin kasar, harin ‘yan bindiga da kuma wani harin bom sun kashe sojoji 11 suka kuma raunata wadansu da dama.

A arewacin kasar kuma, a wani ofishin ‘yan sandan da ake daukar kurata dake kusa da birnin Kirkuk mai arzikin man fetir, ‘yan sandan sun ce wani harin bom ya yi sanadin kashe a kalla kurata bakwai ya kuma jikkata wadansu 17.

An kuma kai hare hare da dama a wurare dabam dabam na kasar Iraq, da suka hada da hare haren bom biyu da aka kai a birnin Nasiriya dake kudanci. Wata fashewar ta auku a kusa da ofishin jakadancin kasar Faransa.

Babu kungiyar da ta dauki alhakin hare haren.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG