Ana ci gaba da samun yawan adadin mutanen da suka rasa rayukansu da jikkata a dalilin harin kunar bakin waken da aka kaiwa wani sansanin soja da mayakan rundunar sojin tarayyar Afirka keda zama a Somaliya.
Jami’ai a Somaliya sun bayyana cewar wani dan harin kunar bakin wake ne ya cika mota da boma-bomai ya doshi kofar shiga sansanin sojan sannan ya tada boma-boman a dab da shiga kofar sansanin dake garin Afgoye mai tazarar kilomita talatin daga birnin Mogadishu a yau Asabar. Jami’an tsaron kasar Somaliya sun fara gudanar da binciken afkuwar kai harin.
Idan za’a tuna a watan jiya ne sojin tarayyar Afirka suka baiwa sojin Somaliya cikakken kai harin hadin gwiwar da suka sami nasarar korar mayakan al-shabab daga tunggarsu dake yankin Afgoye.
