WASHINGTON, DC —
Kungiyar Dattawan Arewacin Nijeriya, da ke wani taro yau a Nijeriyar, ta nuna tababa kan ko shin kafa dokar ta baci da aka yi a jihohi uku na arewa maso gabashin kasar na da fa'ida.
Da ya ke bayani ma Aliyu Mustafan Sakkwato na Muryar Amurka a yau dinnan, wani jigon kungiyar, Furfesa Ango Abdullahi ya ce ba gaskiya ba ne cewa kungiyarsu na tuhumar gwamnati da kin tuntubarsu kafin ta kafa dokar ta baci a jihohin Borno Adamawa da Yobe. Ya ce ai ba sai an tuntube su kafin a kafa dokar ba. Ya ce to amma su abin da su ke nuna rashin yadda da shi shi ne ana kan kokarin nemar hanyar warware takaddamar hukumomi da kungiyar Jama'atu Ahlis Sunnah Lid Daawati Wal Jihad (wadda ake wa lakabi da Boko Haram), kwatsam sai kawai aka kafa dokar ta bacin.
Da ya ke bayani ma Aliyu Mustafan Sakkwato na Muryar Amurka a yau dinnan, wani jigon kungiyar, Furfesa Ango Abdullahi ya ce ba gaskiya ba ne cewa kungiyarsu na tuhumar gwamnati da kin tuntubarsu kafin ta kafa dokar ta baci a jihohin Borno Adamawa da Yobe. Ya ce ai ba sai an tuntube su kafin a kafa dokar ba. Ya ce to amma su abin da su ke nuna rashin yadda da shi shi ne ana kan kokarin nemar hanyar warware takaddamar hukumomi da kungiyar Jama'atu Ahlis Sunnah Lid Daawati Wal Jihad (wadda ake wa lakabi da Boko Haram), kwatsam sai kawai aka kafa dokar ta bacin.
