Accessibility links

Labari da Dumi-Duminsa

Kungiyar Mata ‘Yan Jarida Ta Yi Addu’o’in Neman Zaman Lafiya a Najeriya


Taron Kungiyar Mata 'Yan Jarida a Najeriya (Hotuna, VOA, Medina Dauda)

Kungiyar mata ‘yan Jarida ta Najeriya NAWOJ, ta shirya wani taron addu'o'i don rokon Allah ya kawo karshen ayyukan ta'addanci da rashin tsaro da ke addabar tattali arziki da kuma zamantakewar al'ummar kasar.

Mata 'yan Jarida daga jihohi 36 da babban birnin Tarrayya ne kungiyar ta gayyato domin su roki Allah ya kawo karshen tashe tashen hankula da ta'addanci da sauran ayyukan bata-gari da suka addabi al'ummar a Najeriya.

Da take bayyana dalilin kiran wannan taron, shugabar kungiyar ta kasa Madam Ladi Bala, ta ce ganin cewa duk da kokarin da gwamnati ke yi don shawo kan rashin tsaro amma lamarin sai ci gaba da faruwa yake a fadin kasar.

Haka kuma cin zarafi na lalata da sace-sacen mutane don kudin fansa sai kara kazancewa suke yi.

Taron Kungiyar Mata 'Yan Jarida a Najeriya
Taron Kungiyar Mata 'Yan Jarida a Najeriya

Ita ma Hajiya Rafatu Salami da ta halarci taron addu'o'in har ma ta yi wa'azi a wurin ta ambato wasu matsalolin da ke addabar kasar kamar na cin zarafin mata da yara da sace mutane ana garkuwa da su domin neman kudin fansa.

Amma a lokacin da ta ke nazari a wurin taron addu'o'in, shugabar kungiyar mata dattawan Najeriya ta Nigeria Women Elders Council, Madam Chika Ibeneme, ta ce akwai bukatar shugaba Mohammadu Buhari, ya fito ya yi wa kasa bayanin inda matsalar take domin an zubar da jini fiye da kima a kasa,

Chika Ibeneme ta ce mata sun tashi haikan wajen taimaka wa kasar da addu'o'i kuma ta san Allah mai karban addu'arsu ne.

Kungiyar mata ‘yan Jaridu ta Najeriya ta janyo hankalin sauran masu ruwa da tsaki da su kara himmatuwa wajen bada ta su gudumawar wajen fargar da al'umma kan kyautata zamantakewa tsakanin dukkan 'yan kasa ba tare da la'akkari da addini ko jinsi ba.

Domin karin bayani saurari rahotan Medina Dauda.

please wait

No media source currently available

0:00 0:02:44 0:00


Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG