Accessibility links

‘Kasa da mako uku bayan da wani gini mai hawa uku ya ruguje tare da kashe mutane uku, wani ginin mai hawa uku ya sake faduwa a Legas ya kuma kashe mutane biyu.

Biyo bayan rugujewar ginin mutane biyu sun rasa rayukansu, haka kuma sami ceto wasu mutane 14 daga cikin baraguzan ginin. Rahotanni na cewa ginin ya ruguje ne a dai-dai lokacin da ake yiwa ginin kwaskwarima.

Jami’an hukumar bada agajin gaggawa na jihar Legas da jami’an ‘yan kwana-kwana da kuma ‘yan sanda ne suka saka ido wajen ceto mutanen da ke cikin ginin lokacin da ya rushe.

Kakakin rundunar ‘yan sandan jihar Legas, ASP Olarinde Famous-Cole, shine ya tabbatar da faruwar lamarin sai dai ya ce kawo yanzu basu da rahoto da ke tabbatar da dalilin rugujewar ginin. Amma a bangare guda kuma, Injiniyoyi da sauran masu harkar gine-gine a birnin Legas, na danganta rugujewar gidaje a birnin da rashin ingantaccen tsari.

Domin neman hanyar rage asarar rayuka a dalilin yawan samun rushewar gine-gine, injiniyoyi da masana harkar gini na ganin tabbas sai gwamnati ta tashi tsaye wajen saka ido ga yadda ake gine-gine da kuma tabbatar da bin ka’idojin da ya kamata.

Domin karin bayani ga rahotan Babangida Jibrin.

Facebook Forum

XS
SM
MD
LG