Ya rasu ne a jiya Talata.
“Inna lillahi wa’inna Ilaihirraji’un. A yau 26 ga watan Janairu 2021, na yi babban rashi. Allah ya yi maka afuwa Baba.” Maishunku ya rubuta a shafinsa na Instagram.
Ya kara da cewa, “Wallahi duk wanda ya tafi cikin aminci ya huta. Allah ya ba mu hakurin rashinka Baba. Allah ya sa mu mutu cikin aminci.”
Tuni dai jarumai da furodusoshi da sauran masu ruwa da tsaki a masana'antar ta Kannywood suka yi ta mika sakon ta’aziyyarsu ga jarumin wanda ya yi suna da fim dinsa na “Madadi” da “Jamila Da Jamilu.”
“Allah ya jikan shi da rahama.” In ji Ali Nuhu.
"Muna rokon Allah ya jikansa da rahama @maishunku. Allah ya ba ka hakuri da juriya." Adam A. Zango ya wallafa a shafinsa na Instagram.
“Allahu Akbar.” Halima Atete ta rubuta a sashen yin tsokaci na shafin Maishunku.
“Allah ya ji kan sa da rahama.” In ji Nazifi Asnanic.
“Allah ya jikan sa, yai masa rahama Ibraheem,” Falalu Dorayi ya ce.
