Accessibility links

Labari da Dumi-Duminsa

Majalisar Dattawan Najeriya Ta Ce Maganar Tazarce Za Ta Kawo Rudani


Shugaba Muhammadu Buhari

A Najeriya, kwararru a fanin kimiyar siyasa da manyan a Siyasa sun fara mahawara akan batun kira da wani dan Jamiyyar APC yayi cewa, zai garzaya Kotu domin a tilasta wa Majalisar Dattawa ta yi gyaran kundin tsarin mulki domin Shugaba Mohammadu Buhari ya zarce da mulki bayan ya kammalla wa'adinsa a shekarar 2023.

A wani mataki mai kaman mayarda martani, wasu 'yan Majalisar Dattawan Najeriya sun yi tsokaci akan wannan bukata ta Charles Oko, dan jamiiyar APC a Jihar Ebonyi da ke kudu maso kudanci Najeriya, inda ya ce yana so shugaba Buhari ya zarce da mulki. Sanata Abdullahi Adamu ya ce, wanan kira ba abu ne mai yiwuwa ba, domin ba yadda za a yi gyaran Kudin tsarin Mulkin kasa da ke dauke da mutane fiye da miliyan dari biyu domin mutum daya. Sanata Adamu ya kara da cewa ba a yin haka a siyasa, kuma wanan abun rudani ne kawai domin a tozarta wa yan Arewacin Najeriya da ita ma kanta Majalisar Dattawa da ake ganin tana zaman lafiya da bangaren shugaban kasa.

Shi ma Sanata mai Wakiltar Kaduna ta Arewa, Uba Sani ya ce, tuni shugaba Buhari ya yi wa tufkar hanci, inda ya fito bainar jama'a a babban taron Jamiyyar APC mai mulki ya ce, shi ba zai sake tsayawa takara a karo na uku ba. Sanata Sani ya ce, ga duk mai hankali ya kamata ya janye wannan magana a koma a dukufa wajen gina kasa domin al'umma su samu su mori demokradiya.

Amma ga Malami mai koyar da Kimiyar Siyasa a Jami'ar Baze a Abuja, wato Farfesa Usman Mohammed yana ganin akwai kanshin gaskiya a cikin wannan magana domin irin jituwar da ke faruwa tsakanin Majalisa da bangaren shugaban kasa a yanzu yana nuni da cewa wanan mataki yana cikin dalilin da ya sa aka matsa domin a zabi shugabanin da ke gudanar da Majalisar Kasa a yanzu.

A halin yanzu dai 'yan kasa sun zuba ido, domin su ga yadda wannan maganar zarcewar Shugaba Buhari da mulki a karo na uku zata kaya.

Saurari cikakken rahoton Medina Dauda Daga Abuja, Najeriya:

please wait

No media source currently available

0:00 0:03:43 0:00
  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA
XS
SM
MD
LG