Accessibility links

Labari da Dumi-Duminsa

Manchester City Ta Yi wa Liverpool Wankin Babban Bargo a Gida


'Yan wasan Manchester City sun murnar Shan kwallo (Tsohon Hoto)

Manchester City ta je har Anfield ta lallasa Liverpool da ci 1-4 a gasar cin kofin Premier ta Ingila.

Yanzu City ta ba Liverpool ratar maki 10 a teburin gasar yayin da ta ci gaba da zama a saman tebur a matsayin jagora.

Wannan nasara har ila yau ta ba City damar samun nasarar wasannin 14 a jere kenan a gasa daban-daban a kasar ta Ingila.

Dan wasan City Gundogan ne ya zira kwallo biyu, daya a minti na 49 daya kuma a minti na 73.

Amma kafin Gundogan ya zira kwallonsa ta biyu Mohamed Salah ya ramawa Liverpool kwallo daya da bugun daga-kai-sai-mai-tsaron-gida.

Sai dai ba da jimawa ba, Sterling ya sake zira wata kwallon a ragar Liverpool a minti na 76 wacce ita ke rike da kofin gasar ta Premier.

Minti bakwai bayan kwallon Sterling, shi ma Foden ya durma wata kwallon a ragar ta Liverpool, lamarin da ya kai wasan zuwa ci 1-4.

Yanzu City na da maki 50, Manchester United na biye da maki 45, Leicester City na da maki 43 a matsayi na uku.

Liverpool na matsayi na hudu da maki 40 yayin da West Ham ke matsayi na biyar da maki 39.

Dubi ra’ayoyi

Diego Maradona 1960-2020
please wait

No media source currently available

0:00 0:01:07 0:00
Karin bayani akan Diego Maradona
XS
SM
MD
LG