Accessibility links

Labari da Dumi-Duminsa

Muna Duba Yiwuwar Tilasta Baiwa Mata Sojoji Damar Sanya Hijabi -Majalisa


Shugaba Buhari Ya Kaddamar Da Ranar Soja A Zamfara

Kudurin nan mai taken ‘Dokar bada kariya da hana tsangwama da nuna banbancin addini na shekarar 2020 ya tsallake karatu na biyu a zauren majalisar dokokin Najeriya.

Majalisar wakilan Najeriya na ci gaba da tattaunawa a kan wannan kuduri da ke neman bai wa sojoji mata da takwarorinsu da ke aiki da hukumomin tsaro a kasar damar sanya hijabi idan suna bukata.

A cikin kudurin, Sashe na 13 na neman a hana rundunar soji da dukkan wasu kungiyoyin tsaro masu zaman kansu a Najeriya musgunawa duk wata jami'a da ta zabi sanya hijabi a bakin aiki.

Sashe na 13 karamin sashi na 2 na wannan kuduri, ya bukaci rundunar soji a Najeriya ta samar da kariya ta musamman ga duk wani jami'i da ya zaɓi gudanar da al'amuransa dai dai da tsari da manufa, da kuma koyarwar adinin da yake bi.

Amma kuma kudurin bai tanadi wani hukunci da za'a iya yankewa duk wanda ya saba shi ba, ko da yake ya bayyana yin hakan a matsayin aikata laifi da za'a iya hukunta mutum a kai.

Dan majalisar wakilai daga mazabar Bida da Gbako da Katcha a jihar Naija Saidu Abdullahi ne ya gabatar da kudurin a gaban majalisar, inda ya ce yayi haka ne don ganin yadda sanya hijabin ke neman zama wani abin muhawara a Najeriya duk da dokar kasa ta bayar da damar sanyawa.

Dan majalisar ya kara da cewa, wannan kuduri ya kuma nemi a ba da kariya ga dukkan masu bin addinai ba akan maganar hijabi ba ce kadai a cikin kudurin ba.

Ya ce "mun san cewa ba Musulmai ne kadai ke fama da matsalar nuna musu wariya ba, har da Kiristoci ma suna fama da wannan matsala, wasunsu ma ba sa iya yin magana."

Haka kuma dan majalisar ya ce, "a wasu lokutan, akwai wurin da kila Kirista zai iya samun kan sa a inda Musulmai ke da rinjaye kuma shi ma ya gamu da irin wannan matsala, saboda haka wannan kuduri zai sama masa kariya."

A halin yanzu dai kudurin ya tsallake karatu na biyu, kuma majalisar wakilan za ta ci gaba da tattaunawa kafin a kai ga amincewa da shi idan hali ya yi, a cewar Saidu Abdullahi.

Batun sanya hijabi a makarantun wasu sassan Najeriya dai na ci gaba da jawo cece-kuce musamman a kwanakin baya-bayan nan nan a jihar Kwara, inda har ta kai ga rufe makarantu da haddasa tashin hankali tsakanin mabiya addinin musulunci da kuma na kirista.

Tuni dai, yan Najeriya da dama ke ta tofa albarkacin bakin su kan kudurin a kafaffen sada zumunta, inda wasu ke marhaba da shi wasu kuma ke yi watsi da kudurin tare da cewa, akwai abubuwa masu mahimmanci kamar tsaro da ya kamaşa yan majalisar su mayar da hankali a kai.

Bidiyo

Mijin Aljana A Kano: Shin Dama Aljanu Na Da ATM’ Na Kudi?
please wait

No media source currently available

0:00 0:04:04 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
XS
SM
MD
LG