Accessibility links

Labari da Dumi-Duminsa

Najeriya: Kungiyoyi Na Kira Da a Yi Wa Dokar Fyade Garambawul


Kungiyoyi masu fafutukar kare hakkin yara da mata a Najeriya sun bukaci a yi wa dokar hukunta masu fyade garambawul tare da yi musu hukunci mai tsanani.

Hakan na zuwa ne a lokacin da ake ci gaba da alhinin mutuwar wata matashiya mai suna Uwaila Omozuwa wacce ta mutu bayan da aka yi mata fyade a cikin wani coci a birnin Benin da ke jihar Edo.

A wani al'amari mai kama da na matashiyar, a jihar Jigawa ma an kama wasu maza su 14 da aka gano cewa suna yin lalata da wata karamar yarinya 'yar shekara 12.

Tuni dai Gwamnatin Tarayya a Najeriya ta umarci 'yan sanda da su gudanar da bincike kan al’amuran biyu.

A shafukan sada zumunta ma, mutane da dama na ta nuna bacin ransu da kuma kokarin kwato wa matashiyar da kuma yarinyar 'yancinsu, tare da kawo karshen matsalar fyade a Najeriya.

Batun aikata fyade ga kananan yara na ci gaba da addabar al’umma musamman a arewacin Najeriya inda a lokuta da dama a ke zargin hukumomi da gazawa wurin hukunta wadanda a ke zargi.

Majalisar dattawar kasar ta bayyana cewa nan ba da jimawa ba za ta samar da kotuna na musamman domin hukunta masu aikata irin wannan muggan laifukka.

Masu fafutuka da dama sun yi ta koke-koke a kan irin yanayin da yara mata har ma da maza ke shiga.

Shugabar gidauniyar Arrida da ke fafutukar kare yara da mata da aka ci zarrafinsu, Rabi Salisu Ibrahim, ta ce kullum sai an kira su a kan ta’asar yi wa yara lalata.

“Ko yau da safe sai da aka kirani kan wani yaro dan shekara 4 da aka yi wa fyade.”

Najeriya dai na cikin jerin kasashe goma da mata ke rayuwa cikin matsanancin hali na yawaita barazanan cin zarrafi da suka hada da yi musu fyade da dai sauransu.

A nata bangare, shugabar gudanarwa ta kungiyar WRAPA mai fafutukar neman ci gaba da kare hakkin mata, Saudatu Mahdi ta ce akwai dokokin hukunta masu aikata irin wannan laifi amma ana samun matsaloli wajen aiwatar da su inda ta bukaci hukumomin kasar su ba da gudunmuwa wajen karfafa ma’aikatun kiwon lafiya da sauran hukumomi daga matakin farko zuwa ga tarayya.

Da muka tuntubi dan majalisar wakilai Yunusa Abubakar mai wakiltar mazabar Yamaltu Deba na jihar Gombe a tarayyar Najeriya, kan matakin da ake shirin dauka kan aika-aika na fyade, ya bayyana cewa nan ba da jimawa ba majalisar dattawa za ta samar da dokar kafa kotuna na muamman domin hukunta masu laifi.

Ita ma jarumar fina-finan Hausa kuma mai fafutukar kare ‘yancin yara da mata Mansurah Isah, ta bayyana cewa a ganinta “lokaci ne yanzu da ya kamata iyaye mata a Arewacin Najeriya su koya wa mata da maza me ake nufi da fyade”.

Dokar manyan laifuffuka a Najeriya ta bukaci a yankewa duk wanda ya aikata laifin fyade hukuncin rdaurin ai-da-rai kuma duk wanda ya yi yunkurin yin fyade hukunci zaman gidan kaso na shekara 14.

Saurari rahoton a sauti.

please wait

No media source currently available

0:00 0:03:16 0:00


Facebook Forum

Yaran Da Boko Haram ta Kashe Iyayensu Sun Samu Gata a Sokoto

Yaran Da Boko Haram ta Kashe Iyayensu Sun Samu Gata a Sokoto
please wait

No media source currently available

0:00 0:05:31 0:00
Karin bayani akan Bidiyo

Rayuwar Birni

Rayuwar Birni – Dan Kasuwar Gwari A Abuja
please wait

No media source currently available

0:00 0:03:30 0:00
Karin bayani akan Rayuwar Birni

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG