Accessibility links

Labari da Dumi-Duminsa

NIGER: Hukumomi Sun Kebewa 'Yan Gudun Hijira Sansani A Agadez


Shugaban Jamhuriyar Niger Mahamadou Issoufou

Hukumomin jamhuriyar Niger sun samar ma 'yan gudun hijira fiye da 300 daga Sudan matsuguni a Agadez biyo bayan yarjejeniyar da suka yi da hukumar dake kula da 'yan gudun hijira ta Majalisar Dinkin Duniya, ko UNHCR

Hukumomin Jamhuriyar Niger sun cika alkawuran da suka yiwa 'yan gudun hijira da suka arce daga kasashensu dake fama da rigingimu.

Su dai 'yan gudun hijiran sun yi dandazo ne a birnin Agadez lamarin da ya sa hukumoni a Niger kebe wani makeken fili domin karbarsu tare da tanadar masu wasu muhimman bukatu. An kafa masu tantuna da makewayi da ruwa.

Wannan tanadin ya auku ne a karkashin wani tsari tare da hukumar Majalisar Dinkin Duniya, MDD, dake kula da 'yan gudun hijira ko UNHCR.

Malam Yacuba shugaban ofishin karban bakin haure da 'yan gudun hijira na yankin, ya ce kawo yanzu sun sami mutane 341kuma dukansu 'yan kasar Sudan ne. Daga 'yan Sudan, sai na kasashen Guinea da Nigeria.

Hukumomin Niger sun ce 'yan gudun hijiran zasu jira a sansanin ne har sai an kammala tantance su kafin a san makomarsu akan samun makafa a hukumance, kamar yadda yarjejeniyar kasa da kasa ta shata.

Alhaji Umaru Ibrahim Umaru sarkin Agadez ya kira al'ummomin jihar ta Agadez da su nuna jinkai saboda halin da mutanen da suka arce daga kasashen su ke ciki. Yayinda gwamnati ke taimaka musu, sarkin yayi kira ga masu hannu da shuni su dauki dawainiyar mutanen. Ya kira al'ummarsa da su 'yan gudun hijiran su kwantar da hankalinsu amma dukansu su bi doka da oda.

Kawo yanzu akwai 'yan gudun hijira a jihar ta Agadez sama da dubu uku da yawancinsu sun fito ne daga Nigeria, Sudan, da Guinea.

A saurari rahoton Haruna Mamman Bako

please wait

No media source currently available

0:00 0:02:11 0:00

Facebook Forum

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG