Accessibility links

Labari da Dumi-Duminsa

Nijar Ta Hana Sojoji Amfani Da Wayoyin Hannu


Bayanai sun yi nuni da cewa amfani da wayar salula akan aiki na daga cikin dalilan dake haifar da rashin samun cikakiyar nutsuwa a wajen jami’an tsaro.

Hukumomin tsaro a jamhuriyar Nijer sun umurci jami’an tsaro su dakatar da amfani da wayoyin hannu da dukkan wata na’urar nadar hoto a fagen fama da nufin kawo karshen dabi’ar fallasa hotuna da bayanan sirrin tsaro a shafikan sada zumunta.

A takardar da ya aikewa kwamnadojin kula da sha’anin tsaro babban komandan rundunar mayakan Nijer Ahmed Mohammad, ya sanarda su cewa daga yanzu haramun ne jami’an tsaro su yi amfani da wayar cellula ko na’urar daukan hoto ko ta nadar bidiyo a yayin da suke fagen daga bayan lura da yadda wasu jami’an tsaro ke fallasa abubuwan da ba su dace ba a shafikan sada zumunta a wannan lokacin da kasar Nijer ke neman bakin zaren matsalar ta’addanci.

Daukan matakan yiwa umurin na hafsan hafsoshin kasa biyayya da ma maganar dorewar wannan tsari ya zama wajibi ga mahukuntan Nijer don ganin an yi nasara a yakin da kasar ta kaddamar da kungiyoyin ta’addancin da suka addabi yankin sahel.

Wallafa hotunan dake da nasaba da aiyukan tsaro a kafar facebook ko rarraba wasu bayanan sirrin soja ta hanyar whatsapp wani abu ne da ke kokarin samun gindin zama a nan Nijer kamar yadda a makon jiya aka yi ta yada abubuwan da suka shafi fadan da aka kafsa a tsakanin sojan wannan kasa da ‘yan ta’addan Boko Haram a garin Chetimarin yankin Diffa.

Domin cikakken bayani saurari rahotan Sule Muminu Barma.

please wait

No media source currently available

0:00 0:02:53 0:00

Facebook Forum

Bidiyo

Mijin Aljana A Kano: Shin Dama Aljanu Na Da ATM’ Na Kudi?
please wait

No media source currently available

0:00 0:04:04 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
XS
SM
MD
LG