Accessibility links

Labari da Dumi-Duminsa

Paul Biya Ya Bai Wa Alhazai Biliyan 1 Na Zuwa Aikin Hajjin Bana


Paul Biya

Shugaban kasar Kamaru Paul Biya ya dauki matakin raba gardama tsakanin wadanda ke niyar zuwa aikin hajji bana da ministan cikin gida wanda a farko ya kara kudin aikin hajji da sama da miliyan 3 na kudin CFA.

Paul Biya ya baiwa alhazai bilayan 1 na CFA a matsayin tallafi bayan jayayya da ta bayyana tsakanin kungiyoyin musulmai da ministan cikin gida dangane da karin kudin zuwa Makkah.

Wasu Alhazai masu tafiyan aikin hajji
Wasu Alhazai masu tafiyan aikin hajji

Har ila yau shugaban ƙasa Paul BIYA ya saurari koke-koken musulmin dangane da kammala aikin hajjin a Makkah, daya daga cikin shika-shikan Musulunci guda 5.

Al'ummar Musulmi wanda a cewar sanarwar manema labarai na ministan cikin gida a ranar 30 ga watan Mayu da ya gabata, dole ne su biya 3.294500f don tafiya aikin hajji. A yanzu sun biya 2.242000f, kamar yadda aka saba.

Karin da aka yi sama da miliyan daya (1.052000f) ya janyo rashin fahimta da ya sa maniyyatan suka nemi goyon bayan shugaban kasa don rarrabewa tsakanin su da Minista Atanga Nji.

Fessal Mounir, janar din kungiyar Assovic yace "Musulman Kasar Kamaru sun yi farin ciki da gaske da wannan tallafawa na shugaban kasa Paul Biya. Inda ya umurci ministan kudi da ya baiwa hukumar kula da aikin hajji biliyan 1 domin daukar nauyin masu zuwa aikin hajjin bana."

Domin kiyaye matsaloli kan wannan kyauta ta shugaban kasa, Fessal Mounir ya yi kira ga hukumar alhazai ta kasa da tayi rabo bisa adalci duba da yadda irin wannan guzuri kan janyo zargi,

Yace"muna kira ga hukumar alhazai da la’akari kan wannan kokari da shugaban kasa yayi. Muna kuma shirye mu kawo namu gudummawa ga ministan cikin gida a matsayin sa na shugaban wannan hukumar idan ya bukaci shawarwarin mu. Baya da haka, muna kira ga sake fasalin hukumar aikin hajji ta kasa domin kiyaye gaba"

Wannan ba shine karo na farko da ake samun matsala tsakanin alhazai da hukumar aikin hajji a kasar kamaru ba. Amma ana fatar zai zamo na karshe.

Saurari cikakken rahoton Mohamed Ladan cikin sauti:

please wait

No media source currently available

0:00 0:02:44 0:00

Dubi ra’ayoyi

Hukumomin Nijar Sun Fara Kwashe ‘Yan Kasar Masu Bara A Titunan Wasu Kasashe

Karin bayani akan Rahotannin Taskar VOA
XS
SM
MD
LG