Lokacin wani taro a Bambari, a Janhuriyar Afrika ta Tsakiya, wanda ake zargi Mahamat Nour Mamadou da kasancewar dan kungiyar 'yan tawayen da ke da alaka da gwamnatin kasar ta baya-bayan nan, ya dandana kudarsa.
Sojoji sun kama Mamadou zuwa wani dakin taro da bashi da nisa, inda aka yi masa tambayoyi, sa'annan suka mayar dashi sansanin su, inda suka azabtar da shi har na tsaron kwanaki biyar.
Mamadou ya shaida wa kamfanin dillancin labarai na AFP cewa sojoji sun shakeshi da sarka. Sannan suka yanka masa baya da wuka, sannan suka suka cire masa dan yatsa guda daya. Wannan azabtarwa da aka yi masa ya bayyana a cikin wani rahoto na Majalisar Dinkin Duniya a watan jiya.
Harkokin azabtarwar a gwamnatin ba abu ne mai ban mamaki ba a cikin kasashe masu fama da rikice-rikicen 'yan tawaye masu makamai. Dalilin da ya sa lamarin Mamadou ya zama mai mahimmanci shi ne, kungiyar sojojin Rasha ne suka azabtar da shi.
Majalisar dinkin duniya yanzu tana bincike akan wannan azabtarwa a hannun mutanen Rasha a jamhuriyar Afirka ta Tsakiya, in ji kamfanin dillancin labarai na AFP.
Facebook Forum