Accessibility links

Labari da Dumi-Duminsa

Shagulgulan Marbatar Sabuwar Shekarar 2019 a Wasu Biranen Duniya


Yadda aka yi wasannin wuta a birnin Hong Kong, Jan. 1, 2019.

An yi ta shagulgulan wasannin wuta a sassan duniya wadanda suka haskaka birane da dama a ranar Talata yayin da aka marabci shigowar sabuwar shekarar ta 2019.

Dubun dubatar mutane sun taru a fitaccen dadanlin nan na Time Square da ke birnin New York a nan Amurka, inda aka saki wata makekiyar kwallo, inda har ila yau a wannan karon, salon jefo kwallon ya yi nuni da muhimmancin ‘yancin walwalar ‘yan jarida da fadin albarkacin baki.

Sannan a karon farko, ‘yan sanda sun yi amfani da kananan jirage mara matuka, wadanda ke dauke da na’urorin daukan hoto 1,200, domin sa ido akan jama’a a birnin na New York.

A can birnin Paris da ke Farasansa kuwa, masu marabtar sabuwar shekarar sun taro a dandalin Champs-Elysees domin kallon wasannin wuta, duk da ci gaba da ake yi da yi wa gwamnatin Emmanuel Macron bore.

A birnin London, an ji kadawar makeken agogon nan ne da ake kira Big Ben da tsakar dare, duk da cewa ana yi wa shahararren agogon gyaran fuska.

Facebook Forum

XS
SM
MD
LG