Accessibility links

Labari da Dumi-Duminsa

Shahararren Mai Kwarmato Zai Bayyana Gaban Majalisar Wakilan Najeriya


Dr. George Uboh

Shahararren mai kwarmaton nan na Najeriya, Dr. George Uboh, ya sami gayyatar Majalisar Wakilan Najeriya don ba da bahasi kan zargin salwantar kudi sama da dala Biliyan 35 a ma'ajiyar gwamnatin tarayya.

Dakta Uboh, wanda zai bayyana gaban kwamitin bahasi na bainar jama'a kan koke-koken jama'a ranar Laraba, ya ce ya na da kundi mai kusan shafi 1000 na shaidar batan kudin.

A baya, Dakta Uboh ya sha bankado irin wadannan bayanai har kotu ta taba tura shi zaman wakafi a gidan yarin Kuje, kan shari'ar bata suna ga gwamnan Babban Bankin Najeriya (CBN), Godwin Emefiele. Ya ce kudin sun shafi wasu manyan bankuna da daya daga cikin manyan kamfanonin sadarwa da kuma wasu kamfanonin man fetur.

Daya daga cikin zarge-zargen ya shafi rashin shigar da zunzurutun kudi dala biliyan takwas daga kamfanonin mai a hukumar tara kudaden shiga, tun zamanin mulkin tsohon shugaban hukumar, Tunde Fowler.

Sai kuma zargin da ya shafi kamfanin sadarwa na MTN mallakin kasar Afirka ta Kudu, wanda ya ha'inci asusun ajiya na ketare na Najeriya na tsabar kudi sama da dala Biliyan 25.

A ra'ayin mai kwarmaton, matukar za a tsaya kan gano irin wadannan makudan kudade, Najeriya ba ta bukatar nemo lamuni daga ketare.

Mai taimaka ma Uboh ta fannin tafinta, Magaji Muhammad Yaya, ya yi karin bayani ta hanyar kira ga Shugaba Buhari da ya binciki zarge-zargen. Haka kuma ana sa ran duk wadanda a ke zargin, za su halarci zaman don kare kan su.

Domin karin bayani saurari rahotan Nasiru Adamu El-Hikaya.

please wait

No media source currently available

0:00 0:02:18 0:00


Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG