Accessibility links

Labari da Dumi-Duminsa

Shugaba Donald Trump Ya Dawo Washington Bayan Bukin Cika-Ciki


Trump Thanksgiving

Shugaban Amurka Donald Trump ya dawo birnin Washignton bayan da ya yi hutun ThanksGiving a wurin shakatawarsa na Palm Beach da ke jahar Florida, a gabanin kokarin da ‘yan Majalisar Dattawan Amurka ke yi na kada kuri’a kan garanbawul din dokar haraji a wannan makon.

Ana kyautata zaton Shugaban kasar zai halarci liyafar cin abincin da ‘yan Majalisar Dattawa na Republican na mako-mako, wanda za a yi gobe Talata, inda za a tattauna kan wasu muhimman batutuwa na manufofin jam’iyyar Republican.

Wannan ne karo na biyu cikin ‘yan makonnin da suka gabata da Shugaba Trump zai tafi ginin Majalisar Dokokin kasar don zawarcin ‘yan' uwansa ‘yan Republican su goyi bayan garanbawul din da aka yima tsarin haraji.

Tunda farko a wannan watan, Majalisar Wakilai ta kada kuri’ar amincewa da wannan mashahurin garanbawul mafi girma cikin shekaru 10. An tanaji rage haraji ga rukunin jama’a bisa ga yanayinsu na tsawon shekaru, a yayinda kuma aka yi ragi na dindindin ga kamfanoni, wanda hakan zai kara bashin da ake bin Amurka da dala tiriliyan 1.5 cikin sama da shekaru 10.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

Bidiyo

Yadda Wani Mutum Ya Mari Shugaban Faransa Emmanuel Macron
please wait

No media source currently available

0:00 0:00:37 0:00
Karin bayani akan Bidiyo
XS
SM
MD
LG