Accessibility links

Labari da Dumi-Duminsa

Shugaban Koriya Ta Arewa Ya Gayyaci Shugaban Koriya Ta Kudu


Shugaban Koriya Ta Kudu President Moon Jae-In.

Ga dukkan alamu an yi kusa a samu kwanciyar hankali a yankin ruwan Koriya ganin kasashen biyu na gab da maido da huldar diflomasiyya tsakaninsu. To amma ganin rashin tabbas dangane da sha'anin yankin Koriya, ba lallai ba ne a ga abin da ake zato.

Mika hannun zumunci da kasar Koriya Ta Kudu ta yi a gasar Olympic, ya haifar da wani cigaba a diflomasiyyance a yau dinnan Asabar, ta yadda har sai da aka gayyaci Shugaban Koriya Ta Kudun Moon Jae-in ya gana da Shugaban Koriya ta Arewa a Pyongyang.

Kim Yo Jong, ‘yar’uwar Shugaban Koriya Ta Arewa, ita ce ta mika ma Shugaba Moon wata wasika mai bayyana dalla-dallar niyyar Shugaban Koriya Ta Arewa Kim Jong Un ta inganta dangantakar Koriyawan, a yayin liyafar cin abinci na tawagar gasar Olympics na kasar Koriya Ta Arewa a ginin Fadar Shugaban kasar Koriya Ta Kudu. A cewar kakakin Fadar Shugaban Koriya Ta Kudu Kim Eui-Kyeom, da baka ‘yar uwar Kim din ta isar da sakon gayyatar Shugaba Moon Jae-in, ya gana da Shugaban Koriya Ta Arewa a Pyongyang a duk lokacin da zai iya zuwa.

A cewar Kim, “Shugaba Moon ya bayyana aniyarsa ta ganin wannan ganawar ta yiwu, ta wajen samar da yanayin yin haka nan ba da dadewa ba.”

Wannan gayyatar ta bude kofar ganawa a karon farko cikin shekaru 10 tsakanin Shugabannin Koriya Ta Arewa da Koriya Ta Kudu.

Facebook Forum

Bidiyo

Yadda Wani Mutum Ya Mari Shugaban Faransa Emmanuel Macron
please wait

No media source currently available

0:00 0:00:37 0:00
Karin bayani akan Bidiyo
XS
SM
MD
LG