Accessibility links

Labari da Dumi-Duminsa

Shugaban Turkiya Zai Fadada Ayyukan Soji A Yankin Dake Karkashin Ikon Kurdawan Syria


Shugaban Turkiya Recep Tayyip Erdogan

Biyo bayan nasarar da sojojin kasarsa suka samu a Afrin dake cikin kasar Syria yanzu shugaban kasar Turkiya Erdogan zai fadada ayyukan sojojinsa a wasu garuruwan Syria dake karkashin ikon kurdawa

Shugaban kasar Turkiya Recep Tayyip Erdogan, ya bayyana niyarsa jiya Litinin, ta fadada ayyukan soji a wuraren dake karkashin ikon kurdawa a Syria, bayan kakkabe su daga tungarsu dake Afrin.

Erdogan yace dakarun kasar Turkiya zasu tunkari birnin Manbij,da kuma Ayn al-Arab da ake kuma kira kobani a Syrian. Da wadansu garuruwa dake kan iyakar Turkiya da Syria a gabashin tekun Euphrates.

Fadada wuraren kai sumamen na iya janyo rikici da Amurka,kawar Turkiyyar a kungiyar tsaron hadin guiwa ta NATO. Yankin kan iyakar na karkashin ikon dakarun Kurdawa da Amurka ke marawa baya, yayinda aka girke dakarun Amurka a Manbij a yunkurin kakkabe kungiyar IS.

Amurka tana kuma fargaban tabarbarcewar halin rayuwa a Afrin, inda rahotannin ke nuni da cewa, farin kaya basu iya samun ruwan sha mai tsabta.

A halin da ake ciki kuma, hukumomin Turkiya sun tsare wadansu mutane hudu da aka samu da sinadarin hada makaman nukiliya a cikin motarsu.

An gano sinadarin da ake kira Colifonium ne lokacin da aka bincike wata mota a unguwar Pursaklar dake Ankara jiya Litinin a wani yaki da ‘yan fasa kwauri.

“Yan sanda sun ce mutanen hudu suna cikin wani gungun masu aikata laifuka dake niyar sayar da sinadarin da ba safai ake samunshi ba, a kasuwar bayan fage kan kudi sama da dala miliyan saba’in.

Facebook Forum

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG