Snowden Na Kewar Amurka

WASHINGTON, DC —  A tattaunawar farko da yayi da gidan Talabijin din Amurka, Snowden ya gayawa dan jaridar NBC Brian Williams Larabannan cewa yana kallon kanshi a matsayin mai kishin kasa, kuma zai roki Rasha ta kara masa wa’adin fakewa a kasar kafin ya iya komowa Amurka.

Mr. Snowden yayi kokarin kare kanshi daga tuhume-tuhumen gwamnatin Obama dake cewa shi mai cin amanar kasa ne, wanda ya saka rayuka a cikin hadari saboda fallasa yadda hukumar da yayi wa aiki take leken asiri.