Accessibility links

Labari da Dumi-Duminsa

Sojojin Rasha Suna Cikin Kasar Syria


Shugaban Rasha Vladimir Putin

Sojojin Rasha suna Syria inda suke taimakawa takwarorinsu na kasar a rikicin da suke ciki

Kasar Rasha ta tabbatar da cewa wasu daga cikin sojojinta suna kasar Syria, a daidai lokacin da yammacin duniya ke fargabar cewa sojojin kasar Rashan na dada sa kan su wajen marawa gwamnatin Bashar Al’assad da ke fama da rikicin baya.

Kakakin ma’aikatar harkokin wajen Rasha Maria Zakharova ce ta fadi haka a wata sanarwa jiya Laraba. Ta fadi cewa sojojin nasu na Syria ne da nufn koyar da sojojin kasar lakantar amfani da makaman yakin Rasha da makamantansu.

Tace Rasha bata taba sirranta maganar fasahar hadin kan kerekeren sojojinta dana Syria ba, kuma tun tuni take samar mata makamai da na’urorin soji bisa yarjejeniyar fahimtar da ke tsakaninsu. Ta kara da cewa makaman da aka kai Syria din na nufin yakar ta’addanci ne.

Barazanar ta’addancin da ta kai kololuwar yadda ba a yi tsammani ba a kasar da kuma makwabciyarta ta Iraki.

Kakakin ma’aikatar harkokin wajen Amurka John Kirby yace, Sakataren harkokin wajen Amurka John Kerry yayi Magana da takwaransa na Rasha Sergei Lavrov game da damuwar Amurka akan lamarin.

Matsalar Tsaro A Zamfara

Ko Kun San Irin Makaman Da Sojoji Ke Amfani Da Su Wajen Yaki Da 'Yan Bindiga A Jihar Zamfara?
please wait

No media source currently available

0:00 0:01:31 0:00
Karin bayani akan Bidiyo

Kamu A Auren Nupawa

Yadda Nupawa Suke Kamun Ango A Bikin Aure
please wait

No media source currently available

0:00 0:03:21 0:00
Karin bayani akan Rahotannin Taskar VOA
XS
SM
MD
LG