Accessibility links

Hukumar bincike ta sanar da zargin da akeyiwa wasu kan kule kullen kai hari ga Frayim Ministar Burtaniya Theresa May, dalilin da yasa aka gurfanar da su a gaban kotu

Wasu mutane biyu sun bayyana gaban wata Kotu a birnin London yau Laraba bisa zargin ayyukan ta’addanci, ana zarginsu da kulla makarkashiyar kashe firayin ministar kasar Burtaniyya Therasa May, a cewar jami’an gwamnatin kasar.

Jami’ai sun ce mazajen biyu sun kulla makarkashiyar yadda zasu kai harin wuka a unguwar Downing, inda gidan Firayin ministar yake.

Rahoton kulla kai harin wanda aka dakile ya bayyana ne jim kadan bayan da shugaban hukumar binciken sirrin cikin gida ta Burtaniyya Andrew Parker, yayi ma ‘yan majalisar kasar bayani kan barazanar ‘ta’addanci da kasar ke fuskanta, ya kuma sanar da ministocin kasar cewa hukumarsa ta sami nasarar bankadowa da hana kai hare-haren ta’addanci guda 9 a cikin shekarar nan.

Ya bayyanawa ministocin kulla kai harin a lokacin wani zama, koda yake dai ba a ba ‘yan jarida labarin ba sai bayan sa’o’i.

Facebook Forum

XS
SM
MD
LG