Accessibility links

Labari da Dumi-Duminsa

Trump Da Biden Sun Zargi Juna Da Hura Wutar Tashe-Tashen Hankali


Flares go off in front of a Kenosha Country Sheriff vehicle as demonstrators take part in a protest following the police shooting of Jacob Blake, a Black man, in Kenosha, Wisconsin, Aug. 25, 2020.

Yayin da ya rage makwanni tara a gudanar da zabe a Amurka, shugaban kasa Donald Trump da abokin takararsa na jam’iyyar Demokrat, tsohon mataimakin shugaban kasa Joe Biden, jiya Litinin sun dorawa junan su alhakin tashe-tashen hankali kan tituna da ke da nasaba da nuna wariyar launin fata da kuma yadda ‘yan sanda ke muzgunawa ‘yan tsiraru, da suka barke a ‘yan kwanakin nan.

A jiya Litinin Trump ya wallafa a shafin twitter cewa yana shirin kai ziyara a Kenosha ta jihar Wisconsin a yau Talata, inda zanga-zanga ta koma tashin hankali a makon da ya gabata bayan da wani dan sanda ya harbi wani mutum bakar fata a baya yayin da ya ke kokarin kama shi.

An zargi wani matashi farar fata dan banga da ya yi ikirarin kare shaguna a Kenosha, da kashe mutane biyu da kuma raunata na uku a lokacin zanga-zangar a kan tituna.

A lokacin da ya ke nuni da Biden, Trump ya ce tashin hankali a jihar Wisconsin, da rashin zaman lafiya a garin Portland na jihar Oregon da ke arewa maso yammacin Amurka, ya tilastawa “Joe maras kuzari” fitowa daga kasan gidansa a jihar Delaware, inda ya ke yakin neman zaben ranar 3 ga watan Nuwamba, don ya kaucewa taron mutane da yawa a lokacin annobar coronavirus.

A wani jawabi da ya yi jiya Litinin a Pittsburgh, Biden ya dora laifi kan Trump na tashin hankalin da ya barke a sassan kasar, yayin da Amurka ke fama da yaduwar zanga-zanga da a wasu lokuta kan rikide zuwa tashin hankali, da kuma zanga-zangar adawa da yadda ‘yan sanda ke muzgunawa tsiraru da kuma rashin daidaito a cikin jama’ar Amurka.

Facebook Forum

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG