Accessibility links

Labari da Dumi-Duminsa

Trump Ya Yi Watsi Da Bukatar Majalisar Dokokin Amurka Kan Yaki Da Iran


Shugaban Amurka Donald Trump ya ki amincewa da matsayar da majalisar dokokin kasar ta yi na dakatar da shi daga yin amfani da karfin soja a kan kasar Iran har sai ya sami amincewar majalisar.

A cikin wani sako da ke bayana kin amincewar ta shi, Trump ya kira kudurin a zaman "cin fuska", kana ya ce, kudurin zai yi kawo tarnaki ga karfin ikon shugaban kasa na kare Amurka da kawayenta.

'Yan majalisar sun goyi bayan kudurin a lokacin da ake ci gaba da ta da jijiyar wuya tsakanin Amurka da Iran, inda su ka bayyana bukatarsu na tabbatar da karfin ikon ayyana yaki a hannun majalisar dokoki.

Shugaba Trump ya ba da umarnin kai wani hari a watan Janairu da ya hallaka baboon jami'in sojan Iran, Janar Qaseem Soleimani. Kwanaki kadan Iran ta mayar da martani tare da kai hari da makamai masu linzami a kan sojojin Amurka da ke Iraqi, da ya haifarwa sama da sojojin Amurka 100 cutar kwakwalwa.

Ma’aikatar tsaron Amurka ta fada a farkon makonnan cewa ta baiwa dakarun kasar 29 lambar yabo ta "Purple Heart" da ta ke baiwa wadanda aka kashe ko aka jikkata a lokacin yaki.

Facebook Forum

Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG