Accessibility links

Labari da Dumi-Duminsa

Tsadar Rayuwa: Gwamnatin Najeriya Na Shirin Bayar Da Tallafi Kashi Na Biyu Don Tayar Da Komada


Abba Kyari et le president Muahammadu Buhari, archives.

Yayin da 'yan Najeriya ke kokawa da irin halin da su ka samu kansu ciki, na kuncin rayuwa da kuma matsalar tsaro, gwamnatin kasar ta ce ta yinkuro, don bai wa jahohi 12 tallafin kudade don mikawa ga talakawa masu sana'o'i.

Gwamnatin Najeriya za ta bada talakawan wasu jahohi 12 tallafi, ta hannun gwamnatocin jahohin, a cigaba da tsarin bada albashi ga masu sana'o'in hannu da gwamnatin ta fara a watan Satumban bana. Ya zuwa yanzu dai jihohi 12 masu dubban mutanen da ke da kananan sana'o'i suka amfana a karon farko daga cikin Naira biliyan 75 da aka ware.

Shirin tallafin da ta ke bayarwa ta hannun gwamnatocin jihohi, na daga cikin wata hikima da gwamnatin ta Najeriya ta 6ullo da ita domin karfafa gwiwar masu kananan sana'o'i don su yi dogaro da kansu su kuma samar da ayyukan yi ga yan'uwansu matasa masu neman aiki.

BAUCHI: Keke napep
BAUCHI: Keke napep

Wadannan Kudade ne da gwamnatin Najeriya ta ware, ta yadda shirin zai samu nasara da ya kamata a cewar Ministar Masana'antu Maryam Yelwaji Katagum. Ranar Litinin mai zuwa ne za a fara biyan jihohi 12 don amfanar talakawansu, kama daga masu keke Nafep da babura da direbobi masu motocin kansu. Yelwaji ta ce kowani mai sana'ar hannu na iya samun wannan kudi da Gwamnati ta ce a bada su kyauta.

Amma wani mai masana'anta dake jihar Kano, Habibu Lawal Kofar Wambai ya koka cewa ba dukan masu masana'antu da kananan sana'o'i ne sukan san wannan batu na tallafi ba, saboda haka yake kira ga gwamnatoci tun daga kananan hukumomi da na Jihohi da ma na gwamnatin tarayya da su yi amfani da kafafen yada labarai wajen fadakar da mutane akan wanan tallafi domin a baya sun dan samu matsaloli a lokacin shirin gwamnati na You-WiN.

A halin yanzu kamfanoni dubu 26 sun riga sun amfana, inda aka biya ma'aikatansu dubu dari da daya da suka riga suka samu kudadensu kai tsaye.

Ga Madina Dauda da cikakken rahoton:

please wait

No media source currently available

0:00 0:02:45 0:00


An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG