Cibiyar Wanzar Da Zaman Lafiya ta kasa da kasa ta Amurka da Muryar Amurka sun kaddamar da wani sabon bidiyo akan yadda ta’addancin Boko Haram ya nakassa dimbin rayukkan al’ummar Arewa maso gabashin Najeriya.
Sabon bidioyon mai taken “Boko Haram: Tattaki Daga Bakar Akida”, ya nuna yadda rikicin Boko Haram yayi sanadiyarhasarar dubban rayuka, ya kuma raba wasu miliyoyin mutane da gidajensu.
Ko wanne irin tasiri wanna bidio yake da shi? Malam Idris, wani mazauninbirnin Washington DC da ya sami halartar kaddamarwar, ya ce idan mutane sun kalleshi daga farko zuwa karshe zasu gane illar barin rikici ya yadu cikin mutane, a maimakon a shawo kansa tun yana dan kankani.
Dangane da irin sako da ake son aikawa al’umma a wannan sabon bidiyon, Ibrahim Alfa Ahmed, daya daga cikin wadanda suka yi ‘dawainiyar hada bidiyon, ya ce sakon da ake son aikawa jama’a shi ne cewa duk da matasalar da mutane arewa maso gabashin Najeriya ke fuskanta, akwai wadanda suka tashi suka yaki ta’addancin ‘yan Boko Haram ta hanyar da suka iya yi
Cikin bakin da aka gayyato har da fitattaciyar mai ‘daukar hotan nan da kuma yin aikin agaji, ‘yar asalin Maiduguri, Fati Abubakar.
Ta ce bidiyon zai nuna rayuwar ‘yan Maiduguri cikin yanayin tashin hankalin da ‘yan Boko Haram suka haddasa.
Ga rahotn Sarfilu Hashim da karin bayani
Facebook Forum