Accessibility links

Labari da Dumi-Duminsa

Akalla Mutane 250 Laka Ta Binne A Saliyo


Hotunan ambaliyar ruwa

A ranar Litinin, ‘yan uwan wadanda bala’in ya rutsa da su, sun yi ta tonon laka domin neman masoyansu.

Jami’ai a Freetown, babban birnin Saliyo sun ce akalla mutane 250 suka mutu sanadiyyar zaizayar laka da kuma ambaliyar ruwa.

A ranar Litinin, ‘yan uwan wadanda bala’in ya rutsa da su, sun yi ta tonon laka domin neman masoyansu, yayin da aka tura ma’aikatan soji domin su taimaka da aikin ceton.

Hotunan da aka yi ta sakawa a shafukan sada zumunta, ciki har da na bidiyo, sun nuna yadda mutanen yankin da lamarin ya faru, suna tafiya cikin lakar da ta kai har kirjinsu, suna laluben hanya.

Wannan bala’i da ya faru da safiyar ranar Litinin, ya biyo bayan ruwan sama da aka yi ta tafkawa ne kamar da bakin kwarya.
Shaidu sun ce hanyoyin yankin da bala’in ya faru, sun koma tamkar kogunan laka.

Wani mai magana da yawun kungiyar ba da agaji ta Red Cross, ya fadawa Kamfanin Dillancin Labaran Faransa cewa sun tsamo akalla gawarwaki 312.
Hukumomi a kasar ta Saliyo, sun yi kiyasin cewa dubban mutane ne suka rasa muhallansu sanadiyar zaizayar lakar da ambaliyar ruwa.

Facebook Forum

Bidiyo

Yadda Wani Mutum Ya Mari Shugaban Faransa Emmanuel Macron
please wait

No media source currently available

0:00 0:00:37 0:00
Karin bayani akan Bidiyo

Bidiyo

Marigayi TB Joshua
please wait
Embed

No media source currently available

0:00 0:01:27 0:00
Karin bayani akan Bidiyo

Bidiyo

Gidajen Rediyon Najeriya Sun Gana Da Jami'an Diplomasiyya Kan Rikicin Twitter
please wait

No media source currently available

0:00 0:02:51 0:00
Karin bayani akan Bidiyo
XS
SM
MD
LG