Mukaddashin Ministan tsaron Afghanistan ya ce, nan ba da jimawa ba, gwamnatinsu za ta gabatar da hujjoji da ke nuna cewa wani harin sama da aka kai a Lardin Herat da al’ummar yankin suka ce ya kaikaici wani wajen bikin aure, ya kashe wasu mayakan Taliban.
A yau Alhamis Asadullah Khalid ya fadawa wani taro a Kabul cewa, ma’aikatarsa ta na da bidiyon harin wanda aka kai a jiya Laraba a Gundumar da ake kira Adraskan, wanda ya tabbatar da cewa akwai mayakan Taliban a harin na kauyen Khom-e Zairat.
Ya kuma ya yi fatan ganin an gudanar da bincike, wanda zai tabbatar da cewa ba bu wani farar hula da harin ya rutsa da shi.
Ma’aikatar tsaron ta nemi a gudanar da binciken ne bayan da al’umar yankin suka yi ikarin cewa an kashe fararen hula takwas a harin, kana an jikkata wasu da dama ciki har da kananan yara a harin wanda dakarun Afghanistan suka kai da safe.
Kakakin gwammnatin Lardin na Heratt, Jailani Farhad ya ce gomman mayakan Taliban suna wajen bikin a lokacin da aka kai harin.
Facebook Forum