Accessibility links

Labari da Dumi-Duminsa

WHO Ta Aika Alluran Rigakafin Ebola 11,000 Zuwa Guinea


Allurar rigakafin Ebola.

Hukumar Lafiya Ta Duniya (WHO), ta ce za ta tura zubi 11,000 na alluran rigakafin cutar Ebola, da kuma kwararru sama da 100 zuwa Guinea, don shawo kan barkewar cutar Ebola a wannan kasa ta Afirka ta Yamma.

Da ta ke jawabi ta kafar bidiyo a babban taron manema labarai daga hedikwatarta da ke Brazzaville, Janhuriyar Congo, Daraktar hukumar ta WHO shiyyar Afurka, Matshidiso Moeti, ta ce jami’ai na kuma sa ran samun karin zubi 8,600 na alluran rigakafi daga Amurka, wanda zai sa jimlar alluran rigakafin ya kai 20,000.

Haka kuma hukumar na sa ran isar alluran zuwa ranar Lahadi, sannan kuma za a fara rigakafin Ebolar zuwa ranar Litini.

Jami’an lafiya a kasar ta Guinea, sun ayyana tsananin cutar yanzu a matsayin annoba a ranar Lahadi, bayan da aka kara samun karin mutane biyu da su ka kamu da cutar a Gouecke, wani kauye a lardin N’Zerekore.

A kalla mutum guda ya mutu a wurin. Wannan ne barkewar Ebola a karon farko tun bayan na 2016, lokacin da aka yi nasarar kawar da wata babbar annobar Ebolar.

Dubi ra’ayoyi

Yaran Da Boko Haram ta Kashe Iyayensu Sun Samu Gata a Sokoto

Yaran Da Boko Haram ta Kashe Iyayensu Sun Samu Gata a Sokoto
please wait

No media source currently available

0:00 0:05:31 0:00
Karin bayani akan Bidiyo

Rayuwar Birni

Rayuwar Birni – Dan Kasuwar Gwari A Abuja
please wait

No media source currently available

0:00 0:03:30 0:00
Karin bayani akan Rayuwar Birni
XS
SM
MD
LG