Accessibility links

Labari da Dumi-Duminsa

Chadwick Boseman Ya Lashe Lambar Yabo Ta "Golden Globe Awards"


Marigayi Chadwick Boseman

An gudanar da bikin karrama jarumai da fina-finai da suka yi fice a bikin Golden Globe Awards da aka yi a Amurka.

Marigayi Chadwick Boseman ya lashe lambar yabo da ya samu a karon farko a bikin, a fim din “Ma Rainey’s Black Bottom.”

Boseman ya samu kyautar ne a matsayin jarumin da ya fi fice a rukunin fim na fina-finai, kuma matarsa Simone Ledward ce ta karbi kyautar a madadinsa.

Jarumin na “Black Panther” ya rasu ne a watan Agustan bara yana mai shekara 43 bayan da ya fama da cutar sankarar babban hanji.

Bikin wanda aka yi shi a karo na 78 ya kunshi ba da lambobin yabo ga fina-finan da suka yi zarra a taron wanda ya gudana a jiya Lahadi.

Kamfanin dillancin labarai na AFP ya ruwaito cewa an karrama fim din “Nomadland” a matsayin fim na drama da ya fi kowanne sannan aka karrama darekta Chloe Zhao a matsayin wacce ta yi fice a tsakanin takwarorinta.

A gefen fina-finan barkwanci, fim din “Borat Subsequent Moviefilm” ne ya fi kowanne, sannan an ba Sacha Baron Cohen a matsayin wanda ya fi kowa iya wasan na barkwanci.

Shi kuwa fim din “The Crown,” ya yi zarra a matsayin wasan kwaikwayon na talbijin da ya fi fice.

Tina Fey da Amy Poeler da suka kware a fannin wasan barkwanci ne suka gabatar da bikin, wanda shi ne babban taron na karrama jarumai da fina-finai da aka gudanar a wannan zamani na annoba.

Sauran karramawa da aka yi sun hada da:

Jarumar da tafi kowa iya wasan kwaikwayo – Andra Day, wacce ta samu lambar yabo da fim din “The United States vs Billie Holiday.”

Jarumi da ya fi kowa iya wasan kwaikwayo a fannin barkwanci: Sacha Baron Cohen, wanda ya samu kambun da fim din “Borat Subsequent Moviefilm”

Jarumar da ta yi fice a iya wasan barkwanci: Rosamund Pike, da fim din “ I Care A Lot”

Sai fim din “Minari” da ya samu lambar yabo a matsayin fim din da ya yi fice a fina-finan kasashen waje da aka yi da wani harshe

VOA CASU

VOA CASU: Saurari Bayanin Jarumar Kannywood, Nafeesa Abdullahi
please wait

No media source currently available

0:00 0:12:24 0:00
Karin bayani akan Bidiyo

VOA CASU

VOA CASU: Bikin Yini Na Auren Zawarawa A Kano
please wait

No media source currently available

0:00 0:02:27 0:00
Karin bayani akan Bidiyo
XS
SM
MD
LG