An ji mutanen da suka yi dandazo a babban zauren otel din Espinas Palace, suna ta ambaton sunan Ronaldo.
Washington D.C. —
Daruruwan masoya kwallon kafa a Iran, sun yi tururuwar zuwa wani otel don kallon fitaccen dan wasan kwallon kafa Cristiano Ronaldo yayin da kungiyarsa ta Al Nassra ta isa Tehran babban birnin kasar a ranar Litinin.
An ji mutanen da suka yi dandazo a babban zauren otel din Espinas Palace, suna ta ambaton sunan Ronaldo.
Ronaldo a Iran (AP)
Masoya kwallon kafar da suka hada da yara da manya, sun yi ta kutsa kai cikin ‘yan sandan da ke tsaron otel din.
Wannan ita ce ziyarar farko da Ronaldo ya kai kasar ta Iran da Al Nassr wacce za ta fafata da kungiyar Persepolis ta kasar Iran a yau Talata a gasar Zakarun Nahiyar Asiya ta AFC.
A farkon shekarar nan Iran da Saudiyya suka maido da huldarsu ta diflamasiyya bayan wani shiga tsakani da China ta yi.
Dandalin Mu Tattauna