Accessibility links

Labari da Dumi-Duminsa

'Yan Bindiga Sun Hallaka Mutane 20 A Nijar


Niger Attack

A Jamhuriyar Nijer ‘yan bindiga sun kai hari a wasu kauyukan yankin Tilabery mai makwabtaka da kasashen Mali da Burkina Faso a karshen mako, inda suka yi nasarar hallaka mutane akalla 20, yayin da a dai-dai wannan lokaci jami’an tsaro suka yi nasarar murkushe wani harin da mayakan Boko Haram suka kai wa gadar garin Dutsi dake iyaka da Najeriya.

Rahotanni daga yankin Tilabery sun bayyana cewa da misalin karfe 4 na yammacin Asabar ne ‘yan bindiga a kan babura suka afkawa wadannan kauyuka cikin wani yanayi na ba zata.

A kauyen Gadabo, maharan sun kashe mutane 7 su ka ji wa wasu 3 munanan raunuka, haka kuma sun hallaka mutane 3 a kauyen Zibane koirategui, kafin su bindige wasu mutanen 10 tare da jikkata wasu 2 a kauyen dake karkarar Anzourou.

Gwamnan Tilabery Tijani Ibrahim Katchiella wanda ya halarci jana’izar mamatan, ya jajantawa al’umomin kauyukan, sannan ya tabbatar masu da cewa gwamnati za ta dauki dukkan matakai don kare jama’a da dukiyoyinsu.

Tagwayen hare-haren na karkarar Anzourou sun sake farfado da mahawara a dangane da yanayin tsaro a yankin Tilabery. Jami’in fafutuka Ibrahim Mamoudou ya ce akwai bukatar gwamnati ta sake duba tsarin tattara bayanan sirrin dake shigowa ga jami’an tsaro daga jama’a.

A yankin Diffa mai fama da rikicin Boko Haram, an fuskanci farmakin ‘yan ta’adda a gab da gadar garin Dutsi dake iyakar Nijer da Najeriya a shekaran jiya Asabar, amma jami’an tsaron na Nijer sun fatattake su zuwa inda suka fito, kuma wannan shi ne karo na uku da Boko Haram ke yunkurin kai hari a gadar ta Dutsi a cikin kasa da mako biyu.

Saurari Karin bayani cikin sauti daga Souley Moumouni Barma.

please wait

No media source currently available

0:00 0:02:42 0:00


Facebook Forum

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG