Kakakin rundunar 'yansandan Najeriya CSP G.O. Moshud bayyana dalilin da ya sa suka kai samamen.
CSP Moshud yana mai cewa kungiyar bata da ikon ta sanyawa jami'anta kayan sarki tare da anfani da baji irin na 'yansanda ko kuma raba 'ya'yanta zuwa yin sintri a wurare daban daban kamar yadda 'yansanda keyi.
Ya cigaba da cewa karambani ne su dinga aiki kaman 'yansanda suna anfani da duka ire-iren kayansu, wato kayan 'yansanda, misali lambobin girma da suke sawa a kafadarsu.
Bugu da kari binciken da 'yansanda suka ce sun gudanar wai har kudi kungiyar ke karba daga matasan dake son shiganta.
To saidai kwamandan kungiyar yace 'yansandan ba gaskiya suke fada ba.Yace dokar da ta basu dama ta bayyana kungiyar a matsayin mungiyar tsaro ta sa kai.
Yanzu dai jami'an 'yansanda sun kulle hekwarae kungiyar dake Abuja.
Ga rahoton Hassan Maina Kaina da karin bayani.
Facebook Forum