Accessibility links

Labari da Dumi-Duminsa

Zanga Zangar Kasar Iraki Na Dada Kazancewa


Birnin Bagadaza ya turnike da hayakin zanga zanga

Yayin da kasar Iraki ke kokarin murmurewa daga bala'in ISIS da sauran fitintinu, sai ga shi wata zanga-zangar nuna rashin gwamsuwa da manufofin gwamnati na nemar ta sake durkusar da kasar.

Jami’an tsaron Iraki sun yi harbi da harsasan gaske kan masu masu zanga-zanga a jiya Asabar, su ka kashe 19 daga cikinsu, baya ga wasu da dama da su ka ji wa raunuka a birnin Bagadaza kawai ma, a rana ta biyar ta wannan zanga-zanga kan manufofin gwamnati, wadda ta girgiza kasar baki daya.

Adadin wadanda su ka mutu a birnin Bagadaza da wasu birane da dama a kudancin Iraki, ya kai wajen 100. Akasarin masu zanga-zangar sun yi biris da kiraye kirayen gwamnati da shugabannin addinai, na su kai zuciya nesa. A birnin Bagadaza, masu zanga-zanga sun yi ta arangama da jami’an tsaro a unguwanni da dama, su ka yi ta kona tayoyi a kan tituna.

Masu zanga-zangar sun fadada bukatunsu daga batun samar da ayyukan yi da abubuwan more rayuwa – kamar su ruwan sha da wutar lantarki – su ka kara da kiran da a kawo karshen almundahana a wannan kasa mai arzikin man fetur, wadda ke dauke da mutane kimanin miliyan 40.

Facebook Forum

Bidiyo

Mijin Aljana A Kano: Shin Dama Aljanu Na Da ATM’ Na Kudi?
please wait

No media source currently available

0:00 0:04:04 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
XS
SM
MD
LG