A wayewar garin yau Alhamis al’umar garin Bajoga da Ashaka sun tashi cikin wani irin hali na tashin hankali, kasancewar suna tajin harbe harbe daga gabashin garin Bajoga. A cewar wani mazauni garin, harbe harbe ta kota ina da shawagin jirage da tashin boma bomai tunda garin Allah ya waye su ke taji.
Mutane da dama basu samu damar fita ba don al’amurransu na yau da kullun ba. Wadannan harbe harben da tashin boma bomai sun fara ne tun da kamar karfe 7:00 na safe har zuwa karfe 2:00 na rana, mutane basu samu fita ba.
A cewar wani ma zauni garin yace labari ya samesu da cewar ‘yan kungiyar ta Boko Haram sun je wasu anguwanni sunga mutane suna kokarin guduwa amma sun ce musu kada su gudu, don ba sunzo don nema kowa bane illa sunzo neman jami’an gwamnati ne.
Your browser doesn’t support HTML5
Harbe Harben Bajoga da Ashaka - 4'13"