Accessibility links

Labari da Dumi-Duminsa

Burma Ta Kafa Hukumar Binciko Wutar Da Ta Kona Masallaci


Mutane dauke da makara lokacin jana'izar wadanda suka mutu a gobarar da ta tashi a wata Cibiyar Musulmi a Rangoon, Burma

Yara kanana 13 suka mutu a wannan gobarar da Musulmi a birnin suka ce da gangan aka cinna ta a wata cibiyar Islamiyya a babban birnin na Burma

Burma ta bayar da sanarwar kaddamar da bincike game da wata gobarar da ta tashi a wata Cibiyar Islamiyya dake birnin Rangoon, har ta kashe yara kanana su 13, a bayan da Musulmi da dama a birnin suka bayyana damuwar cewa da gangan aka cinna wannan wuta.

Jaridar "New Light Myanmar" mallakar gwamnati ta fada yau laraba cewa wata hukumar bincike mai wakilai 7 zata bi sawun wannan gobara wadda jami'an birnin suka ce wata matsalar wutar lantarki ce ta janyo ta.

Wannan gobara ta jiya talata, ta tashi a tsakiyar lokacin da ake ta tashin hankali na nuna kin jinin Musulmi a kasar Burma, inda aka lalata Masallatai da kadarori na Musulmi a birane da dama a yankin tsakiyar kasar.

An ci gaba da daukar matakan tsaro masu yawa yau laraba a kofar wannan Masallaci na Rangoon a yau laraba, inda 'yan sandan kwantar da tarzoma suke ci gaba da yin sintiri a titin da wannan masallaci yake. Hukumomi su na fargabar cewa wannan lamarin yana iya kara rura wutar tashin hankalin addini a wannan kasa inda mafiya yawan al'ummarta masu bin addinin Buddha ne.

Gwamnati ta ce zata bayyana sakamakon wannan bincike a ranar jumma'a.

Dubi ra’ayoyi (1)

An rufe wannan dandalin

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG